PETER TASE
05 Noyabr 2015, 13:30
Bakı, 5 noyabr, SalamNews, A.Bayramova. Sentyabrın 19-20-də jurnalist Həsən Paşalının müşayiəti ilə professor Stefan Ceykob Vimmer və digər alimlər qrupu Naxçıvan Muxtar Respublikasına səfər ediblər.
SalamNews xəbər verir ki, səfərin təfərrüatları barədə bir çox Latın Amerikası hökumət rəhbərləri, Dövlət Universitetləri və digər beynəlxalq təşkilatlar üçün məsləhətçi kimi fəaliyyət göstərən Piter Teys “foreignpolicynews.org” da çap edilmiş məqaləsində məlumat verib.
Məqalə müəllifinin yazdığına görə, professor Ceykob Vimmer, Almaniyanın Münih şəhərindəki “İbrahimin Dostları” Cəmiyyətinin sədri və Almaniyadan olan digər nümayəndələr də Naxçıvan səfərində iştirak ediblər. Professor Ceykob Vimmer Naxçıvana səfəri zamanı Şərq Qapısı qəzetinə müsahibə verərək qeyd edib ki, Naxçıvan gözlənilməyən bir kəşfdir: “Naxçıvan torpağı dəyərli, mədəni, dini arxitekturaya, valehedici, gözəl türbələrə malikdir. 25 metr hündürlüyə malik, zəngin, səkküzgüşəli Möminə Xatun Türbəsi xəyal etdiyimiz kimi idi. Bu abidə XII əsr üçün ana və qadın sevgisinin abidəsidir, həmin qadın orada dəfn edilib, elə bil ki, bu min bir gecə nağıllarından biridir.”
READ THE ARTICLE:
